March 11, 2016
Una:
Carmen
Mundo ay nagpapatuloy
O Kay bilis, kay ligalig
Minsan para bang kumunoy
O rumaragasang tubig
Kaya kapit lang, kapit lang
Huwag kang magpatianod
Pagka’t ang iyong kalungkutan
Ay pagtitibayin iyong loob.
Ikalawa:
Carmen
Ang mundo’y hindi patas.
Sa iyong kahinaan,
Gawin mo akong lakas
Kaagapay sa laban.
Pagka’t ako’y naririto,
‘Pag ika’y nalulumbay,
‘Pag ika’y nalilito,
At ayaw ng mabuhay
Dahil ang tanging hiling,
Ngiti mo’y masilayan;
Ibulong sa bituin
Iyong kaligayahan.
